समाजातील शोषितांसाठी झटणार्या व तळागाळातील दुर्बल घटकांना मुख्य प्रवाहात आणण्यासाठी काही सामाजिक संस्था आज मोठ्या प्रमाणात कार्य करताना दिसून येतात. 12 वी उत्तीर्ण केल्यानंतर साचेबध्द शिक्षणाची चोकोरी ओलांडून समाजसेवा हा अभ्यास विषय निवडून त्यात करियर करण्याची संधी आजच्या होतकरू तरूण- तरूणींसाठी उपलब्ध आहे. परंतु त्यासाठी समाजकार्यात आवड निर्माण होणे महत्त्वाचे आहे. समाज अन्याय, व्यसनाधिनता, गरीबी अशा एक ना अनेक समस्यांच्या विळख्यात सापडलाय. या समस्यातून समाजाला बाहेर काढण्यासाठी समाज सेवकाची गरज ही भासत असते. आज समाजात सेवाभावी संस्थांच्या माध्यमातून समाज सेवक कार्यरत झाले आहेत. समाजातील पीडित घटकाला मार्गदर्शनाअभावी समस्यांमधून बाहेर निघण्यासाठी मार्ग दिसत नाही. अशा घटकाला मदत, मार्गदर्शन तसेच समस्येवर मात करण्यासाठी त्याला आत्मिक बळ समाज सेवक देत असतात. परिस्थितीवर विजय मिळविण्याठी तळागाळातील लोकांमध्ये आशेचा किरण दाखविण्याचे कार्य समाजसेवकच करत असतो. 12 वीनंतर एक वर्षाच्या प्रमाणपत्र अभ्यासक्रम अथवा तीन वर्षांच्या बी.एस.डब्ल्यू या पदवीला प्रवेश मिळवता येतो. पदवी उत्तीर्ण केल्यानंतर दोन वर्षांचे पदव्यूत्तर (एम.एस.डब्ल्यू) शिक्षण कुटूंब व बालकल्याण, समाजकल्याण, नागरी आणि ग्रामीण विकास, वैद्यकिय व मानसशास्त्र, गुन्हेजगत व मजूरकल्याण आदी विषयात आवडीनुसार आपल्या करिअरला आकार देऊ शकता. | | समाजातील पीडित घटकाला मार्गदर्शनाअभावी समस्यांमधून बाहेर निघण्यासाठी मार्ग दिसत नाही. अशा घटकाला मदत, मार्गदर्शन तसेच समस्येवर मात करण्यासाठी त्याला आत्मिक बळ समाज सेवक देत असतात. |
| |
|
सुझाव/प्रतिक्रिया
मित्राला पाठवा
हे पान प्रिंट करा