दहशतवादाच्या संकटाचा मुकाबला करण्यासाठी आंतरराष्ट्रीय समुदायाने एकत्र येऊन जगभरात दहशतवादी कारवाया करणा-यांना धडा शिकवण्यासाठी एकत्र यावे असे आवाहन राष्ट्रपती प्रतिभाताई पाटील यांनी केले आहे.
राष्ट्रपती पाटील सायप्रसचे राष्ट्राध्यक्ष देमेत्रीज क्रिस्टोफियास यांच्याकडून आयोजित करण्यात आलेल्या सन्मान मेजवानी प्रसंगी बोलत होत्या. प्रतिभाताई म्हणाल्या, की भारतात झालेल्या दहशतवादी हल्ल्यांचा सायप्रसकडून करण्यात आलेल्या निषेधाचा आम्ही स्वीकार करतो. संयुक्त राष्ट्र सुरक्षा परिषदेत भारताच्या स्थायी सदस्यत्वास आणि अणू पुरवठा समूहात भारत केंद्रित असैन्य अणू उर्जा सूटसाठी पाठिंबा देऊन सायप्रसने हे संबंध अधिक दृढ केले आहेत.