FBI finds al Qaeda videos in Rana's house | राणाच्या घरी सापडल्या लादेनच्या व्हिडीओ टेप्स

मुख्य पृष्ठ » वृत्त-जगत » बातम्या » आंतरराष्ट्रीय » राणाच्या घरी सापडल्या लादेनच्या व्हिडीओ टेप्स (FBI finds al Qaeda videos in Rana's house)

Feedback

वेबदुनिया

राणाच्या घरी सापडल्या लादेनच्या व्हिडीओ टेप्स

वॉशिंग्टन , शनिवार, 7 नोव्हेंबर 2009( 16:38 IST )

एफबीआयने गेल्या महिन्यात अटक केलेल्या पाकिस्तानी वंशाच्या तहव्वूर राणा या कॅनडाच्या नागरिकाच्या घरी ओसामा बिन लादेनसह अनेक दहशतवादी नेत्यांच्या भाषणांच्या सीडी सापडल्या आहेत. राणा आणि त्याचा सहकारी डेव्हिड हेडली यांनी लष्कर ए तोयबाच्या निर्देशावरून भारतात हल्ल्याचा कट आखल्याचा कट एफबीआयने उघडकीस आणला आहे.

अल कायदा या कुख्यात संघटनेचे प्रसारमाध्यम असलेल्या अस सहाब मीडीया यांनी निर्मित केलेल्या या सीडी असून त्यातल्या एका सीडीचे नाव बॉम्बिंग एट डेन्मार्क एम्बसी असे आहे. राणा हा मुळ पाकिस्तानी नागरिक असून तो गेल्या वर्षभरापासून शिकागोत रहात होता. त्याला आणि डेव्हिड हेडली यास गेल्या महिन्यात एफबीआयने शिकागोच्या विमानतळावर अटक केली होती.

दिल्लीतील नॅशनल डिफेन्स कॉलेजसह डेहराडून आणि मसूरी येथील शाळांवर दहशतवादी हल्ले करण्याची त्यांची योजना असल्याचे त्यांच्या चौकशीत उघड झाले होते.

हेडलीने लष्कर ए तोयबाच्या नेत्यांशी भेट घेण्यासाठी पाकिस्तानात अनेक फेर्‍या केल्या होत्या. त्याच्या चौकशीसाठी भारतीय अधिकारी पाकिस्तानात पोहोचले आहेत.

संबंधित माहिती शोधा

हे सुध्दा शोधा: तहव्वूर राणा लष्कर ए तोयबा

आणखी

• दहशतवादी कटासंदर्भात अमेरिकेची भारताला माहिती

• लष्करात मुस्लिम असावेत काय?

• संयुक्त राष्‍ट्राची अफगाणमधून माघार नाहीः मून

• भारत-पाक यांनी वाद टाळावेत: अमेरिका

• फ्लोरिडात गोळीबार, 2 ठार, 6 जखमी

• अमेरिकेची उ.कोरियाशी सशर्त चर्चेची तयारी